پنجاب میں جب چوہدری پرویز الٰہی کسی نہ کسی شکل میں اقتدار میں آتے ہیں تو سب سے پہلے جس افسر کی اہم پوسٹ پر تعیناتی کا حکم نامہ جاری ہوتا ہے ان کا نام ہے محمد خان بھٹی۔
سابق وزیراعلیٰ پرویز الٰہی کی جانب سے پنجاب اسمبلی تحلیل ہونے کے بعد محمد خان بھٹی منظرعام سے تو غائب ہیں البتہ وہ خبروں میں موجود ہیں۔
مزید پڑھیں
-
چوہدری پرویز الٰہی پہلی مرتبہ انتظامیہ کے نشانے پر، وجہ کیا بنی؟Node ID: 739611
-
چوہدری پرویز الٰہی کے پرنسپل سیکریٹری کا شریک ملزم گرفتارNode ID: 740106
پرویز الٰہی کے ترجمان کے مطابق محمد خان بھٹی کو سندھ کے علاقے مٹیاری سے 6 فروری کو سندھ پولیس نے حراست میں لے لیا ہے۔
لاہور ہائی کورٹ میں محمد خان بھٹی کی اہلیہ نے حبس بے جا کی ایک درخواست دائر کی ہے جس میں موقف اختیار کیا گیا ہے کہ ان کے شوہر لاپتا ہیں۔
عدالت نے اس حوالے ایف آئی اے اور پنجاب کےمحکمہ اینٹی کرپشن سے اس بابت پوچھا ہے تاہم دونوں محکموں نے ان کو حراست میں لینے کی تردید کی ہے۔
محمد خان بھٹی کا تعلق پنجاب کے شہر منڈی بہاؤالدین سے ہے اور وہ گجرات کے چوہدریوں کے خاص الخاص شخص سمجھتے جاتے ہیں۔
انہوں نے نوے کی دہائی میں پنجاب اسمبلی میں 14ویں گریڈ سے ملازمت کا آغاز کیا۔ جب چوہدری پرویز الٰہی سال 2002 میں وزیراعلیٰ پنجاب بنے تو محمد خان بھٹی کو کچھ ہی عرصے بعد سیکریٹری اسمبلی کے عہدے پر تعینات کر دیا گیا۔ عام طور پر یہ عہدہ 20ویں یا 21ویں گریڈ کے افسر کو ملتا ہے۔
سیکرٹری اسمبلی محمد خان بھٹی کی گرفتاری اور انکی رہائش گاہ پر چھاپے کی مذمت کرتے ہیں۔نگران حکومت کے غیر قانونی اور غیر آئینی اقدامات کے خلاف عدالت سے رجوع کرنے کا فیصلہ کیا ہے۔ نگران حکومت چادر چار دیواری کا تقدس پامال کر رہی ہے۔
— Ch Parvez Elahi (@ChParvezElahi) February 7, 2023