کنگ سلمان ریلیف سینٹر، پاکستان میں سیلاب متاثرین کے لیے فوڈ پیکجز

پاکستان کے سیلاب سے متاثرہ علاقوں میں سال 2022-2023 کے لیے فوڈ سکیورٹی سپورٹ منصوبے کے تسلسل میں کنگ سلمان ہیومینٹیرین ایڈ اینڈ ریلیف سینٹر (کے ایس ریلیف) نے پاکستان میں 15 ہزار سیلاب سے متاثرہ گھرانوں میں فوڈ پیكج تقسیم کا تیسرا مرحلہ بھی مکمل کر لیا ہے۔

اسلام آباد میں سینٹر کی جانب سے جاری بیان کے مطابق اس فوڈ پیكج میں تمام تر ضروری اشیا خورد ونوش شامل ہیں۔

بیان میں کہا گیا ہے کہ ایك فوڈ پیك 95 كلوگرام پر مشتمل ہے جس میں 80 كلو فائن آٹا، پانچ كلو دال چنا، پانچ لیٹر كوكنگ آئل اور پانچ كلو چینی شامل ہے۔

’این ڈی ایم اے  اور مقامی حكومت كے تعاون سے صوبہ سندھ كے 4 اضلاع (دادو، خیرپور، سانگھڑ، جامشورو) جبکہ صوبہ پنجاب كے دو اضلاع (راجن پور اور ڈیرہ غازی خان) کے سیلاب متاثرین میں شفاف طریقے سے تقسیم كیا گیا۔‘

بیان کے مطابق اس امدادی  پیكج سے مجموعی طور پر ایک لاکھ پانچ ہزار افراد مستفید ہوئے۔