ولی عہد شہزادہ محمد بن سلمان سے فرانسیسی صدر کا رابطہ

ولی عہد شہزادہ محمد بن سلمان سے فرانسیسی صدر ایمانویل میکخواں نے رابطہ کیا ہے۔

سعودی پریس ایجنسی کے مطابق دونوں رہنماؤں کے درمیان ہونے والے ٹیلیفونک رابطے میں متعدد اہم امور پر بات چیت ہوئی ہے۔

دونوں رہنماؤں نے باہمی تعلقات اور مشترکہ مفادات کے حصول کے لیے ایک دوسرے سے تعاون کی اہمیت پر زور دیا ہے۔

ولی عہد اور فرانس کے صدر نے علاقائی اور بین الاقوامی معاملات اور خطے میں استحکام پیدا کرنے کے لیے کی جانے والی مشترکہ کوششوں کو جائزہ لیا ہے۔

دونوں رہنماؤں نے متعدد بین الاقوامی معاملات میں ایک دوسرے کے موقف کو سمجھنے اور مشترکہ اقدامات کی تاکید کی ہے۔