سعودی وزیر خارجہ سے فرانسیسی صدر کے خصوصی ایلچی برائے لبنان کی ملاقات

سعودی وزیر خارجہ شہزادہ فیصل بن فرحان سے منگل کو جدہ میں لبنان کےلیے فرانسیسی صدر کے خصوصی ایلچی جین یوس لی ڈریان نے ملاقات کی ہے۔

سرکاری خبر رساں ایجنسی ایس پی اے کے مطابق ملاقات میں سعودی عرب اور فرانس کے درمیان دوطرفہ تعلقات اور کئی شعبوں میں مشترکہ تعاون کو تیز کرنے کے طریقوں کا جائزہ لیا گیا۔

لبنان کی صورتحال،علاقائی اور بین الاقوامی سطح پرہونے والی تازہ پیش رفت اور اس سلسلے میں کی جانے والی کوششوں پر تبادلہ خیال کیا گیا۔

اس موقع پر کونسل آف منسٹرز جنرل سیکریٹریٹ کے مشیر نزار بن  سلیمان العلولا اور سعودی عرب میں فرانس کے سفیر بھی موجود تھے۔