یوٹیوب پریمیئم سروس اب پاکستان میں، صارفین کو کتنے پیسے ادا کرنا ہوں گے؟
یوٹیوب پریمیئم اور یوٹیوب میوزک پیڈ ممبرشپ سروسز ہیں (فائل فوٹو: یوٹیوب)
آن لائن ویڈیو سٹریمنگ پلیٹ فارم یوٹیوب نے پاکستان میں اپنی پریمیئم سروس کا آغاز کر دیا ہے جس کے تحت پاکستانی صارفین کو اب ایڈ فری ویڈیوز دیکھنے، آف لائن سٹریمنگ کرنے اور ایپ بند کرنے کے بعد بیک گراؤںڈ پلے کی سہولت میسر ہو گئی ہے۔
عرب نیوز کے مطابق یوٹیوب نے بدھ کو یوٹیوب پریمیئم اور یوٹیوب میوزک کی سروسز کا آغاز کیا۔
دنیا بھر کی طرح یوٹیوب پاکستان میں بھی مقبول ترین ڈیجیٹل پلیٹ فارمز میں سے ایک ہے۔ یوٹیوب کے مطابق پاکستان سے پلیٹ فارم پر 400 ایسے چینلز ہیں جن کے 10 لاکھ سے زائد سبکسرائبرز ہیں۔
یوٹیوب کی پریس ریلیز کے مطابق یوٹیوب پریمیئم اور یوٹیوب میوزک پیڈ ممبرشپ سروسز ہیں، یعنی صارفین کو اس کے استعمال کے لیے پیسے دینا ہوں گے جس کے بعد وہ ایڈ فری ویڈیوز اور دوسری سہولیات سے فائدہ اٹھا سکیں گے۔
پلیٹ فارم کا مزید کہنا ہے کہ ’یوٹیوب نے پاکستان میں یوٹیوب پریمیئم سروس متعارف کروا دی ہے، یہ پیڈ ممبرشپ ہے، جس کے ذریعے صارفین بغیر اشہارات کے ویڈیوز دیکھ سکیں گے، انہیں آف لائن دیکھنے کے ساتھ ساتھ بیک گراؤنڈ میں بھی چلا سکیں گے جبکہ یوٹیوب میوزک ایک نئی میوزک سٹریمنگ ایپ ہے جو پاکستان میں موسیقی کے لیے ایک نیا تجربہ ثابت ہو گا۔‘
پاکستان میں صارفین 479 روپے یعنی 1.68 ڈالر میں یوٹیوب پریمیئم جبکہ 299 روپے یعنی 1.05 ڈالر میں یوٹیوب میوزک کی سروس حاصل کر سکتے ہیں۔
پاکستانی سیاستدان یوٹیوبر بننے کی طرف کیوں مائل ہو رہے ہیں؟Node ID: 778811
معروف یوٹیوبر’آئی شو سپیڈ‘ شدید بیمار، ’میرے لیے دعا کریں‘Node ID: 783931
