عراق میں زلزلے کے تین جھٹکے ریکارڈ

عراقی حکام نے کہا ہے کہ اتوار اور پیر کی درمیانی شب زلزلے کے تین جھٹکے ریکارڈ کئے گئے ہیں۔

عراقی جیولوجیکل سروے ادارے نے کہا ہے کہ ’دھوک، کرکوک اور شمالی و وسطی عراق میں جھٹکے محسوس کئے گئے ہیں‘۔

’پہلا جھٹکا ریکٹر سکیل پر 4.7، دوسرا 4.6 جبکہ تیسرا 3.1 تھا تاہم ان سے کوئی جانی و مالی نقصان نہیں ہوا‘۔

ادارے نے شہریوں کو محتاط رہنے اور افواہوں پر یقین نہ کرنے کی اپیل کی ہے۔