ریاض میں 38 حکومتی اداروں کی شرکت سے لیپ 3 کا آغاز

ریاض کے ملہم ایگزیبیوشن سینٹر  میں لیپ 3 کا آغاز ہوچکا ہے جو 7 مارچ تک جاری رہے گا۔

سبق ویب سائٹ کے مطابق لیپ 3 میں 38 حکومتی اداروں  کی شرکت سے 23 ڈیجیٹل پورٹل کا اعلان ہوگا جبکہ 30 سے زیادہ ورکشاپس اور45 سے زیادہ تعاون معاہدے ہوں گے۔

لیپ 3 ’نئے افق‘ کے عنوان کے تحت شروع کیا گیا ہے جس میں ڈیجیٹل اورٹیکنالوجی کے شعبے کے ماہرین خطاب کریں گے۔

لیپ 3 میں مصنوعی ذہانت، سمارٹ سٹیز، ڈیجیٹلائزیشن اور مستقبل کے متعلق ورکشاپش منعقد ہوں گے۔

توقع کی جارہی ہے کہ لیپ 3 کے وزٹروں کی تعداد 20 لاکھ سے تجاوز کرجائے گی ۔

واضح رہے کہ لیپ 3 138 ہزار مربع میٹر کے رقبے پر منعقد کیا جارہا ہے۔