Sorry, you need to enable JavaScript to visit this website.

ریاض میں ڈرون ورلڈ کپ چیمپئن شپ کا انعقاد ہوگا

’ڈرون ورلڈ کپ چیمپئن شپ کے انعامات کی کل مالیت ایک ملین ریال سے زیادہ ہے‘ ( فوٹو: سبق)
سعودی عرب ڈرونز ورلڈ کپ 2025 کی میزبانی کرے گا جو 23 سے 25 جنوری تک بولیوارڈ سٹی ریاض میں منعقد ہوگا۔
 یہ اعلان جنرل انٹرٹینمنٹ اتھارٹی کے سربراہ ترکی آل الشیخ نے کیا ہے۔
سبق ویب سائٹ کے مطابق اس ایونٹ کا انعقاد سعودی سائبر سیکیورٹی، پروگرامنگ اور ڈرونز فیڈریشن کے زیر انتظام اور انٹرنیشنل ایئر سپورٹس فیڈریشن کے تعاون سے کیا جا رہا ہے۔
مقابلے میں دنیا کے 50 سے زائد ممالک کے ماہر پائلٹس شرکت کریں گے جہاں 350 کلومیٹر فی گھنٹہ کی رفتار سے دلچسپ ریسز ہوں گی۔
 ڈرون ورلڈ کپ چیمپئن شپ کے انعامات کی کل مالیت ایک ملین ریال سے زیادہ ہے۔
واضح رہے کہ ڈرونز ورلڈ کپ کا آغاز 2016 میں ہوا تھا اور تب سے یہ اپنے شائقین کو جدید ٹیکنالوجی اور سپورٹس کی دنیا میں جوش و خروش کے ساتھ محظوظ کر رہا ہے۔
 سعودی عرب میں اس کی میزبانی نہ صرف ای سپورٹس میں اس کی قیادت کو ظاہر کرتی ہے بلکہ یہ مقامی کھلاڑیوں کے لیے عالمی سطح پر اپنی صلاحیتوں کو منوانے کا موقع بھی فراہم کرتی ہے۔

 

شیئر: