عرب اور خلیجی رہنماوں نے صدر ڈونلڈ ٹرمپ کو امریکہ کے 47 ویں صدر کے طور پر حلف اٹھانے پر مبارکباد دی ہے۔
متحدہ عرب امارات کے صدر شیخ محمد بن زاید آل نہیان نے ایکس اکاونٹ پر ڈوالڈ ٹرمپ اور ان کی انتظامیہ کی کامیابی کےلیے نیک خواہشات کا اظہارکیا۔
وام کے مطابق انہوں نے کہا ’متحدہ عرب امارات اور امریکہ کے سٹریٹجک تعلقات کو مزید آگے بڑھانے، علاقائی امن و استحکام کو فروغ دینے کے لیے ان کے ساتھ کام کرنے کے منتظر ہیں۔‘
امارات کے وزیراعظم اور دبئی کے حکمراں شیخ محمد بن راشد آل مکتوم نے بھی مبارکباد دی ہے۔
Congratulations to Donald Trump (@POTUS) on his inauguration as 47th President of the United States. I wish him and his administration success and I look forward to working with him to further advance UAE-US strategic relations and promote regional peace and stability.
— محمد بن زايد (@MohamedBinZayed) January 20, 2025
عمان کے فرمانروا سلطان ہیثم بن طارق نے صدر ڈونلڈ ٹرمپ کی دوسری ٹرم کی کامیابی کی خواہش کا اظہار کیا۔
امیر کویت شیخ مشعل احمد الجابر الصباح نے ڈونلڈ ٹرمپ کو پیغام میں دونوں ملکوں کے تعلقات کو مستحکم بنانے کی خواہش کا اعادہ کیا۔
اردن کے فرمانروا عبداللہ ثانی نے کہا کہ’ اردن، امریکہ کے ساتھ اپنی شراکت داری کو اہمیت دیتا ہے۔ ایک خوشحال اور پرامن دنیا کے لیے صدر ٹرمپ کے ساتھ کام کرنے کے لیے پرعزم ہے۔‘
فلسطینی صدر محمود عباس نے بیان میں کہا’ فلسطینی اتھارٹی دو ریاستی حل کی بنیاد پر ٹرمپ انتطامیہ کے دور میں امن کے حصول کے لیے ان کے ساتھ کام کرنے کو تیار ہے۔‘
Wishing President Donald Trump every success as he commences his second term. Congratulations on your inauguration, Mr. President. We greatly value our partnership with the United States and are committed to working with you towards a more prosperous and peaceful world
— عبدالله بن الحسين (@KingAbdullahII) January 20, 2025
