فوڈ باسکٹ پروجیکٹ، پاکستان کے 33 اضلاع میں راشن تقسیم
پاکستان کے 33 اضلاع میں 30 ہزار فوٖڈ پیکجز تقسیم کیے گئے۔ فوٹو: کے ایس ریلیف
شاہ سلمان ریلیف سینٹر نے فوڈ باسکٹ پروجیکٹ پاکستان 2025 کے تحت ماہِ رمضان میں پاکستان کے 33 اضلاع میں فوڈ پیکجز کی تقسیم کا آغاز کر دیا ہے۔
اسلام آباد میں جاری بیان کے مطابق 30 ہزار فوڈ پیکجز کی تقسیم نیشنل ڈیزاسٹر مینجمنٹ اتھارٹی کے تعاون سے کی گئی ہے۔
اس اقدام کا مقصد دو لاکھ دس ہزار مستحق افراد کو بنیادی خوراک فراہم کرنا ہے۔
ہر 95 کلو گرام وزنی فوڈ پیکج میں 80 کلو گرام آٹا، 5 لیٹر کوکنگ آئل، 5 کلو گرام چینی اور 5 کلو گرام دال چنا شامل ہے۔
فوڈ پیکجز کی تقسیم صوبائی ڈیزاسٹر مینجمنٹ اتھارٹیز، گلگت بلتستان ڈیزاسٹر مینجمنٹ اتھارٹی، سٹیٹ ڈیزاسٹر مینجمنٹ اتھارٹی، مقامی ضلعی انتظامیہ اور کنگ سلمان ریلیف کے عمل درآمدی پارٹنرز، حیات فاؤنڈیشن اور پیس اینڈ ڈویلپمنٹ آرگنائزیشن کے تعاون سے کی جا رہی ہے۔
خوراک کی عدم دستیابی کے سنگین مسئلے کو حل کرتے ہوئے شاہ سلمان ریلیف سینٹر ضرورت مند طبقات کو مدد فراہم کرنے کے اپنے غیر متزلزل عزم کو ثابت کر رہا ہے۔
یہ اقدام کنگ سلمان ریلیف کی عالمی انسانی امدادی کوششوں کے عزم کو اجاگر کرتا ہے جس کا مقصد کمزور طبقات میں استحکام، خود انحصاری، اور خوشحالی کو فروغ دینا ہے۔
