جدہ پورٹ پر منشیات سمگل کرنے کی بڑی کوشش ناکام، 15 لاکھ نشہ آور گولیاں ضبط
منشیات انسولیٹنگ پینلز پر مشتمل شپمنٹ میں چھپائی گئی تھی (فوٹو: اخبار24)
سعودی زکوۃ، ٹیکس اینڈ کسٹم اتھارٹی نے جدہ پورٹ پر منشیات سمگل کرنے کی بڑی کوشش ناکام بنادی۔
سرکاری خبر رساں ایجنسی ایس پی اے کے مطابق ایک شپمنٹ میں چھپائی گئی 15 لاکھ 36 ہزار 118 کیپٹاگون کی گولیاں ضبط کی گئی ہیں۔
اتھارٹی نے بیان میں کہا’ انسولیٹنگ پینلز پر مشتمل شپمنٹ کا جدید سکیورٹی ٹیکنالوجی اور ڈیوائسز’ کا استعال کرتے ہوئے معائنہ کیا گیا جس پر پینلز کے اندر چھپائی گئی نشہ آور گولیاں برآمد ہوئیں۔‘
اتھارٹی نے جنرل ٹائریکیٹوریٹ آف نارکوٹکس کنٹرول کے تعاون سے مملکت میں اس شپمنٹ کو وصول کرنے والے تین افراد کو گرفتار کرلیا۔
زکوۃ، ٹیکس اینڈ کسٹمز اتھارٹی نے ملکی درآمدات اور برآمدات پر کسٹم کنٹرول کو مضبوط بنانے، معاشرے کے تحفظ کو یقینی بنانے کے عزم کا اعادہ کیا۔
