مکہ مکرمہ اور مدینہ منورہ سمیت بیشتر علاقوں میں مطلع گرد آلود

سعودی عرب کے محکمہ موسمیات نے کہا ہے کہ آج اتوار کو مکہ مکرمہ اور مدینہ منورہ سمیت مشرقی ریجن، نجران، ریاض، قصیم، حائل ، شمالی حدود اور تبوک میں مطلع گرد آلود ہوگا۔

سبق ویب سائٹ کے مطابق محکمے نے کہا ہے کہ ’گرد آلود مطلع سے سعودی عرب کے مغربی ساحلی علاقے زیادہ متاثر ہوں گے جہاں حد نگاہ متاثر ہو گی۔‘

محکمے نے کہا ہے کہ ’اس بات کا امکان موجود ہے کہ جنوب مغرب کے بالائی علاقوں میں ہلکی بارش بھی ہو۔‘

محکمے نے کہا ہے کہ ’بحیرہ احمر میں شمال مشرقی اور شمال مغربی ہوا چلے گی جس کی رفتار 40 کلومیٹر فی گھنٹہ ہوسکتی ہے جبکہ سمندر کے وسطی علاقے میں ہوا کی رفتار 55 کلو میٹر فی گھنٹہ ہوسکتی ہے۔‘

’بحیرہ احمر میں دو سے اڑھائی میٹر اونچی موجیں اٹھیں گی جبکہ بعض جگہوں میں موجوں کی اونچائی تین میٹر تک بھی ہوسکتی ہے۔‘

’ادھر خلیج عربی کے سمندر میں 35 کلومیٹر فی گھنٹہ تک ہوا کی رفتار ہوگی جبکہ ایک سے ڈیڑھ میٹر تک اونچی موجیں اٹھیں گے۔‘