اسرائیل نے جمعے کی صبح ایران کے دارالحکومت پر حملہ کر دیا جس کے بعد تہران دھماکوں سے گونج اُٹھا۔ اسرائیل کا کہنا ہے کہ اس نے جوہری اور عسکری اہداف کو نشانہ بنایا ہے۔
خبر رساں ایجنسی ایسوسی ایٹڈ پریس کے مطابق یہ حملہ ایسے وقت میں ہوا ہے جب تہران کے جوہری پروگرام پر تیزی سے آگے بڑھنے پر تناؤ نئی بلندیوں پر پہنچ گیا ہے۔ بین الاقوامی جوہری توانائی ایجنسی کے بورڈ آف گورنرز نے جمعرات کو 20 برسوں میں پہلی بار ایران پر اپنے معائنہ کاروں کے ساتھ کام نہ کرنے پر سرزنش کی۔
ایران نے فوری طور پر اعلان کیا کہ وہ ملک میں افزودگی کا تیسرا مقام قائم کرے گا اور کچھ سنٹری فیوجز کو مزید ترقی یافتہ بنانے کے لیے تبدیل کرے گا۔
اسرائیلی وزیر اعظم بینجمن نیتن یاہو نے یوٹیوب پر ایک خطاب میں کہا کہ حملے اس خطرے کو دور کرنے کے لیے جتنے دن لگیں گے، جاری رہیں گے۔
امریکی وزیر خارجہ مارکو روبیو نے کہا ہے کہ اسرائیل نے ایران کے خلاف یکطرفہ کارروائی کی اور اسرائیل نے امریکہ کو مشورہ دیا کہ وہ سمجھتا ہے کہ یہ حملے اپنے دفاع کے لیے ضروری ہیں۔
