سعودی ایئرپورٹس پر مسافروں کی تعداد 128 ملین سے تجاوز، 905 ہزار پروازیں
جمعرات 17 جولائی 2025 5:42
رپورٹ کے مطابق فضائی نیٹ ورک میں بھی 16 فیصد اضافہ ہوا ہے (فوٹو: اخبار24)
سعودی سول ایوی ایشن اتھارٹی کی 2024 کے حوالے سے رپورٹ میں کہا گیا کہ گزشتہ برس مسافروں کی تعداد میں 15 فیصد اضافہ ہو جو ایک ریکارڈ ہے۔
اخبار 24 کے مطابق رپورٹ میںکہا گیا کہ سعودی ایئرپورٹس استعمال کرنے والے مسافروں کی تعداد 128 ملین سے تجاوز کرگئی جبکہ پروازوں کی تعداد 905 ہزار سے زیادہ رہی۔
فضائی نیٹ ورک میں بھی 16 فیصد اضافہ ہوا، 172 ممالک کے لیے فضائی سہولت فراہم کی گئی جبکہ ایئرکارگو میں بھی 34 فیصد اضافے کے ساتھ 1.2 ملین ٹن تک پہنچ گئی۔
سال 2023 کے مقابلے میں گزشتہ برس مملکت کے ایئرپورٹس سے 69.3 ملین انٹرنیشنل اور 59.3 ملین افراد نے اندرون ملک سفر کی سہولت حاصل کی۔
سول ایوی ایشن اتھارٹی نے گزشتہ برس حج وعمرہ سیزن کے لیے 25 ملین زائرین کو سفری سہولت فراہم کی،100 طیاروں میں 3.2 ملین سیٹیں حج سیزن کے لیے تھیں۔ حجاج کےلیے 1755 فلائٹس مخصوص کی گئیں۔
حج سیزن میں 7 لاکھ 22 ہزار حجاج ’بغیرسامان حج‘ کے اقدام سےمستفیض ہوئے جو ’مکہ روٹ‘ کے تحت سات ممالک کے 11 ایئرپورٹس پریہ سہولت فراہم کی گئی تھی۔
فضائی سیکٹرمیں سعودائزیشن کے تناسب میں بھی نمایاں اضافہ ہوا۔ گزشتہ برس 14 ہزار سے زائد ملازمتوں پر سعودی کارکنوں کو بھرتی کیا گیا جبکہ 74 فیصد سعودیوں کو پائلٹ کی اعلی تربیت فراہم کرتے ہوئے یہ ذمہ داری سونپی گئی۔
سول ایوی ایشن اور اس کی ذیلی کمپنیوں میں اعلی عہدوں پر سعودی ملازم خواتین کی تعداد میں 17 فیصد اضافہ ہوا مختلف شعبوں میں 24 خواتین کو تعینات کیا گیا۔
