مشرقی ریجن اور ریاض میں گرد وغبار، مکہ اور مدینہ بھی متاثر

محکمہ موسمیات نے کہا ہے کہ آج اتوار کو مشرقی ریجن، ریاض اور نجران میں گرد وغبار رہے گا جبکہ اس کی تاثیر مدینہ منورہ اور مکہ مکرمہ تک ہوگی۔

سبق ویب سائٹ کے مطابق محکمے نے کہا ہے کہ ’جازان تک پورے ساحلی علاقے میں حد نگاہ کافی متاثر رہے گی‘۔

’جبکہ جازان کے بعض علاقوں کے علاوہ عسیر اور باحہ کے بالائی علاقوں میں بارش کا امکان ہے‘۔

محکمے نے کہاہے کہ ’بحیرہ احمر کے شمال میں شمال مغربی ہوا چلے گی جس کی رفتار 15 سے 40 کلو میٹر فی گھنٹہ ہوسکتی ہے‘۔

’جبکہ شمالی اور وسطی سمندر میں شمالی ہوا چلے گی جس کی رفتار 50 کلو میٹر فی گھنٹہ ہوسکتی ہے‘۔

’اس کے باعث ایک میٹر سے ڈیڑھ میٹر تک اونچی موجیں اٹھیں گی جبکہ بعض  حصوں میں دو میٹر تک اونچی موجیں اٹھ سکتی ہیں‘۔

محکمے نے کہاہے کہ ’خلیج عرب کے سمندر میں مغربی اور بعض حصوں میں شمال مغربی ہوا چلے گی جس کی رفتار 40 کلو میٹر گی گھنٹہ ہوسکتی ہے جبکہ ڈیڑھ میٹر تک اونچی موجیں اٹھیں گی‘۔