امارات: اگست 2025 کے لیے پٹرول کے نرخوں میں معمولی کمی، ڈیزل مہنگا

متحدہ عرب امارات میں اگست 2025 کے لیے پٹرول اور ڈیزل کے نرخوں کا اعلان کیا گیا ہے۔ 

فیول پرائس کمیٹی نے نئی قیمتوں کی منظوری دی ہے، اس کا اطلاق جمعہ یکم اگست سے ہوگیا۔ ڈیزل مہنگا ہوا ہے جبکہ پٹرول کے نرخوں میں معمولی کمی کی گئی۔

امارات الیوم کے مطابق پٹرول سپر 98 کی نئی قیمت 2.69 درہم فی لٹر مقرر کی گئی ہے جو اس سے قبل 2.70 درہم فی لٹرتھی۔

سپیشل 95 اگست میں 2.57 درہم فی لٹر ملے گا۔ جولائی میں 2.58 درہم فی لٹر دستیاب تھا۔

ای پلس91 کے نرخ اضافے کے بعد 2.50 فی لٹر ہوں گے۔ جولائی میں اس کی قیمت 2.51 فی لٹر تھی۔

 ڈیزل کی نئی قیمت بڑھ کر 2.78 درہم فی لٹر ہوگی۔ جولائی میں ڈیزل 2.63 درہم فی لٹر میں دستیاب رہا۔

یاد رہے امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔