سعودی ولی عہد شہزادہ محمد بن سلمان نے ای سپورٹس ورلڈ کپ 2025 کی اختتامی تقریب میں شرکت کی اور چیمپیئن فالکنز ٹیم کو ٹرافی دی۔ تقریب میں اردن کے ولی عہد شہزادہ الحسین بن عبداللہ بھی موجود تھے۔
ریاض بلیوارڈ سٹی میں ہونے والے ای سپورٹس ورلڈ کپ میں سعودی فالکنز ٹیم نے مسلسل دوسری مرتب ٹائٹل جیت لیا۔
سعودی فالکنز ای گیمنگ کی کمانڈنگ چیمپئن شپ میں 4 ہزار 900 پوائنٹس کے ساتھ مجموعی سٹینڈنگ میں سرفہرست رہی، ہالینڈ کیں ٹیم لیکوڈ 4 ہزار 200 پوائنٹس کے ساتھ دوسرے جبکہ فرانسیسی ٹیم 3 ہزار 950 پوائنٹس کے ساتھ تیسرے نمبر پر رہی۔
یاد رہے سعودی ٹیم فالکنز ای سپورٹس ورلڈ کپ 2024 کی بھی چیمپئن تھی۔
مسلسل دوسری مرتبہ تاریخی کامیابی کے ساتھ فالکنز نے دنیا کے معروف ای سپورٹس کلبوں میں سے ایک کے طور پر اپنی پوزیشن کو مضبوط کیا اور سب سے بڑے مقابلے میں مملکت کا پرچم بلند کیا ہے۔
سعودی دارالحکومت ریاض نے 7 جولائی سے 24 اگست تک ای سپورٹس ورلڈ کپ کی میزبانی کی۔ اس ایونٹ نے سعودی عرب کی حیثیت کو عالمی رہنما اور ای سپورٹس انڈسٹری کے مرکز کے طور پر مزید مستحکم کیا ہے۔
ای سپورٹس ورلڈ کپ فاونڈیشن نے پرتگالی فٹبال لیجنڈ اور النصر کلب کے کھلاڑی کرسٹینا رونالڈو کو ای سپورٹس ورلڈ کپ 2025 کے لیے گلوبل ایمبیسڈرمقرر کیا تھا۔
