سعودی وزیر دفاع سے ریاض میں یوکرینی صدارتی دفتر کے ڈائریکٹر کی ملاقات

سعودی وزیر دفاع شہزادہ خالد بن سلمان سے بدھ کو ریاض میں یوکرین کے صدر ولادیمیر زیلنسکی کے دفتر کے ڈائریکٹر کا خیرمقدم کیا۔

شہزادہ خالد بن سلمان نے ایکس اکاونٹ پر لکھا’ یوکرینی صدارتی دفتر کے ڈائریکٹر آندری یرماک سے ملاقات میں دونوں ملکوں کے درمیان دو طرفہ تعلقات کا جائزہ لیا۔‘

’یوکرینی بحرین کی حالیہ صورتحال اور بحران کے حل کرنے کے لیے جاری کوششوں پر بھی تبادلہ خیال کیا گیا۔ مشترکہ دلچسپی کے متعدد امور پر بھی بات چیت کی گئی۔‘

اس موقع پر وزیرمملکت، کابینہ کے رکن اور قومی سلامتی کے مشیر مساعد بن محمد العیبان، چیف آف جنرل سٹاف لیفٹیننٹ جنرل فیاض بن حامد الرویلی اور دیگر حکام بھی موجود تھے۔

اس سے قبل یوکرینی صدر نے سعودی ولی عہد شہزادہ محمد بن سلمان سے ٹیلی فون پر رابطہ کیا تھا۔

سعودی ولی عہد نے روس، یوکرین تنازع کے حل اور مذاکرات کےلیے تمام کوششوں کی سپورٹ اور مملکت کے عزم کا اعادہ کیا۔

یوکرین کے صدر ولادیمیر زیلنسکی نے امن کی سپورٹ کے حوالے سے سعودی عرب کے کردار کی تعریف کی۔