سعودی قیادت کی جانب سے ملائیشیا کو یوم آزادی پر مبارکباد

خادم حرمین شریفین شاہ سلمان بن عبدالعزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے ملائیشیا کے باد شاہ سلطان ابراہیم کو ان کے ملک کے یوم آزادی پر مبارکباد پیش کی ہے۔

سعودی پریس ایجنسی کے مطابق سعودی قیادت نے سلطان ابراہیم کوتہنیتی پیغام روانہ کئے ہیں۔

سعودی قیادت نے سلطان ابراہیم کے نام روانہ کئے جانے والے مکتوب میں کہا ہے کہ ’ہم آپ کے لیے صحت و عافیت اور خوشحال زندگی اورملائیشیا کے لیے مزید ترقی و کامرانی کی امید رکھتے ہیں‘۔