Sorry, you need to enable JavaScript to visit this website.

سعودی عرب کی قیادت اور عوام کے ساتھ مضبوطی سے کھڑے ہیں: اسحاق ڈار

اپنے شہریوں اور سرزمین کے دفاع کے حق کی سپورٹ کا اعادہ کیا۔( فائل فوٹو: اے پی)
پاکستان کے  نائب وزیراعظم و وزیر خارجہ اسحاق ڈار نے  ریاض میں کنگ عبداللہ فنانشل ڈسٹرکٹ کے ٹاور پر حوثیوں کے حملے کی شدید مذمت کی ہے۔ سعودی عرب کے اپنے شہریوں اور سرزمین کے دفاع کے حق کی سپورٹ کا اعادہ کیا۔
یاد رہے جمعرات کو  حوثی ملیشیا کے حملے میں ریاض کے کنگ عبداللہ فنانشل ڈسٹرکٹ کے ایک ٹاور کو نشانہ بنانے کی کوشش کی گئی۔
سعودی سول ڈیفنس کے مطابق اس حملے میں ٹاور کی کئی منزلوں اور ملحقہ عمارتوں کو نقصان پہنچا تاہم کسی جانی نقصان کی اطلاع نہیں ملی۔
جبکہ سعودی فضائی دفاع نے سنیچر کی علی الصبح یمن کی حوثی ملیشیا کی جانب سے ریاض کی طرف داغے گئے تین بیلسٹک میزائلوں کو فضا میں ہی روک کر تباہ کر دیا۔
یہ کارروائی ایک ایسے وقت میں سامنے آئی ہے جب مملکت کو میزائل اور ڈرون حملوں کی ایک نئی لہر کا سامنا ہے۔
 اسحاق ڈار نے ایکس اکاؤنٹ پر پوسٹ میں لکھا ’شہری نفرا سٹرکچر کو نشانہ بنانا انسانی جانوں اور علاقائی امن و سلامتی کے لیے خطرہ ہے اور ایسے حملے فوری بند ہونے چاہییں۔‘
پاکستان، سعودی عرب کی قیادت اور عوام کے ساتھ مضبوطی کے ساتھ کھڑا ہے۔ مملکت کی اپنے شہریوں اور رہائیشیوں کے تحفظ، اپنی خود مختاری اور علاقائی سالمیت کے دفاع کے حق کی مکمل حمایت کرتے ہیں۔

 

شیئر: