جدہ: شاہ عبدالعزیز انٹرنیشنل ایئرپورٹ پر ڈیوٹی فری شاپس کا افتتاح
جدہ: شاہ عبدالعزیز انٹرنیشنل ایئرپورٹ پر ڈیوٹی فری شاپس کا افتتاح
بدھ 17 ستمبر 2025 19:46
ڈیوٹی فری شاپس کا مجموعی رقبہ 8 ہزار مربع میٹر ہے۔ (فوٹو ایس پی اے)
ایئرپورٹس کمپنی جدہ نے شاہ عبدالعزیز انٹرنیشنل ایئرپورٹ پر جی ای ایچ کمپنی کے اشتراک سے ڈیوٹی فری شاپس کا افتتاح کردیا۔
اخبار 24 کی رپورٹ کے مطابق جدہ کے شاہ عبدالعزیز بین الاقوامی ہوائی اڈے پر قائم کی جانے والی ڈیوٹی فری شاپس کا مجموعی رقبہ 8 ہزار مربع میٹر ہے جو ٹرمنل ون اور نارتھ میں قائم کیا گیا ہے۔
35 سے زیادہ دکانیں اور شورومز بنائے گئے ہیں۔ (فوٹو ایس پی اے)
ڈیوٹی فری شاپس میں 500 سے زائد انٹرنیشنل برانڈز موجود ہیں جبکہ 35 سے زیادہ دکانیں اور شورومز بنائے گئے ہیں جہاں انواع و اقسام کی مقامی اور بین الاقوامی برانڈز کی اشیا جن میں گفٹ آئٹم، بیوٹی، چاکلیٹس ٹافیاں، تمباکو مصنوعات، جولیری اور بہت سی اشیا صارفین کے لیے فراہم کی گئی ہیں۔
ڈیوٹی فری شاپس میں 500 سے زائد انٹرنیشنل برانڈز موجود ہیں۔ (فوٹو مطارات جدہ)
ڈیوٹی فری شاپس پر ادائیگی کے لیے خود کار سسٹم کے ساتھ ساتھ روایتی ادائیگی کاؤنٹرز کی سہولت بھی فراہم کی گئی ہے تاکہ مسافر اپنی سہولت کے مطابق ادائیگی کرسکیں۔
جدہ ایئرپورٹس کمپنی کے سی ای او مازن جوھر نے بتایا کہ ڈیوٹی فری شاپس کے ذریعے مسافروں کے لیے خریداری کا منفرد تجربہ مہیا کیا گیا ہے۔ ڈیوٹی فری شاپس میں مقامی اور غیرملکی سرمایہ کاری کے مواقع موجود ہیں۔
