سعودی ولی عہد کی مفتی اعظم شیخ عبدالعزیز کی نماز جنازہ میں شرکت

سعودی ولی عہد و وزیراعظم شہزادہ محمد بن سلمان نے منگل کو مفتی اعظم اور سینیئر علما کونسل کے سربراہ شیخ عبدالعزیز آل شیخ کی نماز جنازہ میں شرکت کی ہے۔

سرکاری خبر رساں ایجنسی ایس پی اے کے مطابق شیخ عبدالعزیز آل شیخ کی نماز جنازہ بعد نماز ظہر ریاض کی امام ترکی بن عبداللہ مسجد میں ادا کی گئی۔

علاوہ ازیں مسجد الحرام مکہ مکرمہ اور مسجد نبوی مدینہ منورہ میں مفتی اعظم کی غائبانہ نماز جنازہ ادا کی گئی۔

قبل ازیں شاہی عدالت نے منگل کو سعودی عرب کے مفتی اعظم اور سینیئر علما کونسل کے سربراہ شیخ عبدالعزیز آل الشیخ کے انتقال کا اعلان کیا۔

شاہ سلمان بن عبدالعزیز اور ولی عہد شہزادہ محمد بن سلمان نے  شیخ عبدالعزیز آل شیخ کے انتقال پر ان کے اہل خانہ، سعودی عوام اور عالم اسلام سے تعزیت کی ہے۔

1999 میں شیخ عبدالعزیز آل الشیخ کو متفی اعظم کے عہدے پر تعینات کیا گیا تھا۔ انہوں نے مملکت میں اعلیٰ ترین مذہبی سکالر کے طور پر خدمات انجام دیں، شریعت کی تشریح اور قانونی اور معاشرتی امور پر فتوے جاری کیے۔