سعودی قیادت کی جانب سے ترکمانستان کو یوم آزادی پر مبارکباد

خادم حرمین شریفین شاہ سلمان بن عبد العزیز آل سعود اور ولی عہد و وزیراعظم شہزادہ محمد بن سلمان بن عبد العزیز آل سعود نے ترکمانستان کے صدر سردار بیردی محمدوف کو ان کے ملک کے یوم آزادی پر مبارکباد پیش کی ہے۔

سعودی پریس ایجنسی کے مطابق سعودی قیادت نے ترکمانستان کے صدر کو تہنیتی پیغام روانہ کیے ہیں۔

سعودی قیادت نے صدر سردار بیردی محمدوف کے نام روانہ کیے جانے والے مکتوب میں کہا ہے کہ ’ہم آپ کے لیے صحت و عافیت اور خوشحال زندگی اور ترکمانستان کے لیے مزید ترقی و کامرانی کی امید رکھتے ہیں۔‘