غزہ کے لیے امدادی سامان لے کر مزید دو طیارے مصر پہنچ گئے

شاہ سلمان سینٹر برائے انسانی امداد کی جانب سے فلسطینی عوام کی امداد لے کر مزید دو طیارے مصر پہنچے ہیں۔

 شاہ سلمان مرکز، فلسطینی عوام کی مدد کےلیے مہم کے ایک حصے کے طور پر غزہ کی پٹی میں فوڈ باسکٹس کی تقسیم کا سلسلہ جاری رکھے ہوئے ہے۔

سعودی پریس ایجنسی کے مطابق  امدادی سامان لے کر دونوں طیارے ہفتے کو مصر کے شہر العریش انٹر نیشنل ایئرپورٹ پہنچے، امدادی طیاروں کی تعداد 67 ہوگئی۔

یہ امداد غزہ کی پٹی میں شدید قحط سالی اور خراب حالات زندگی سے دوچار فلسطینی عوام کی مدد کے لیے بھیجی گئی ہے۔

امدادی طیارے میں فوڈ باسکٹس اور شیلٹر کٹس شامل ہیں جو فلسطینی متاثرین میں تقسیم کی جائیں گی۔

 سعودی وزارت دفاع اور قاہرہ میں سعودی سفارتخانے کے تعاون سے یہ مہم انجام دی گئی۔

یہ امداد غزہ کی پٹی میں فلسطینی عوام کو شاہ سلمان مرکز کے ذریعے فراہم کی جانے والی سعودی سپورٹ کے فریم ورک میں آتی ہے۔

اب تک 67 طیاروں اور آٹھ بحری جہازوں کے ذریعے 7612 ٹن سے زیادہ خوراک، طبی سامان اور شیلٹر، فلسطینی ہلال احمر سوسائٹی کو 20 ایمبولینسیں، لاجسٹک آلات ار جنٹریٹرز بھی فراہم کیے گئے ہیں۔

علاوہ ازیں شام سلمان مرکز نے90 ملین ڈالر سے زیادہ امدادی منصوبوں پر عملدرآمد کےلیے بین الاقوامی تنظیموں کے ساتھ معاہدوں پر دستخط بھی کیے۔