سیکریٹری جنرل رابطہ عالم اسلامی ڈاکٹر عبدالکریم العیسی چھ روزہ دورے پر پاکستان پہنچ گئے

رابطہ عالم اسلامی کے سیکریٹری جنرل ڈاکٹر عبدالکریم العیسی اتوار کے روز پاکستان کے چھ روزہ اہم دورے پر اسلام آباد پہنچ گئے ہیں۔

وفاقی وزیر برائے مذہبی امور سردار محمد یوسف نے اسلام آباد انٹرنیشنل ایئرپورٹ پر سیکریٹری جنرل رابطہ عالم اسلامی پرتپاک خیرمقدم کیا۔

استقبالی وفد میں پاکستان میں تعینات سعودی عرب کے سفیر نواف سعید المالکی، وفاقی سیکریٹری مذہبی امور ڈاکٹر عطا الرحمن، سینیٹر حافظ عبدالکریم، سینیٹر طلحہ محمود، چیئرمین پاکستان علما کونسل حافظ طاہر اشرفی اور رابطہ عالم اسلامی کے پاکستان میں کنٹری ہیڈ سعد مسعود الحارثی بھی شامل تھے۔

ڈاکٹر عبدالکریم العیسی اپنے دورے کے دوران اعلیٰ سطح کی ملاقاتیں کریں گے جن میں مذہبی، سماجی اور بین المذاہب ہم آہنگی کے فروغ سے متعلق امور زیرِِبحث آئیں گے۔