سعودی عرب میں تین ماہ میں ایک لاکھ 28 ہزار کمرشل رجسٹریشن، 49 فیصد ادارے خواتین کی ملکیت

سعودی وزارت تجارت نے کہا ہے کہ ’2025 کی تیسری سہ ماہی کے دوران ریکارڈ ایک لاکھ 28 ہزار سے زیادہ کمرشل رجسٹریشن (سجل تجاری) جاری کیے گئے۔‘

ایس پی اے کے مطابق مملکت میں کمرشل رجسٹریشن کی مجموعی تعداد 1.7 ملین سے زیادہ ہوگئی۔

خواتین کو جاری کمرشل رجسٹریشن کل تعداد کا 49 فیصد رہی جبکہ 51 فیصد نوجوانوں کے ملکیتی ادارے ہیں۔

ریاض ریجن میں  سے سے زیادہ 50 ہزار، الشرقیہ ریجن میں 21 ہزار 500، مکہ ریجن میں 19 ہزار400، قصیم ریجن میں 8 ہزار300 جبکہ عسیر ریجن میں 5 ہزار کمرشل رجسٹریشن کا اجرا کیا گیا۔

تعمیراتی سیکٹر میں 67 ہزار، ہول سیل اور ریٹیل ٹریڈ سیکٹر میں 25 ہزار، مینو فیکچرنگ انڈسٹریز میں 22 ہزار رہائش، ریستوران  و خدمات میں 12 ہزار 700، ٹرانسپورٹیشن سیکٹر میں رجسٹریشن کی تعداد 12 ہزار 250 رہی۔

مملکت میں کاروباری اداروں کی تعداد میں گزشتہ پانچ برسوں میں بڑھ کر 1.2 ملین ہوگئی، اس میں 21 فیصد اضافہ دیکھنے میں آیا ہے۔