سعودی عرب میں کمرشل رجسٹریشن بڑھ گئی، کلاوڈ کمپیوٹنگ سروسز میں 70 فیصد اضافہ
ایک لاکھ 60 ہزار سے زیادہ نئی رجسٹریشن کی گئی ہے (فوٹو: اخبار 24)
سعودی وزارت تجارت نے کہا ہے کہ ’2024 کی چوتھی سہ ماہی کے دوران کمرشل رجسٹریشن میں گزشتہ برس کی اسی مدت کے مقابلے میں 67 فیصد کا اضافہ ریکارڈ کیا گیا ہے‘۔
ایس پی اے کے مطابق سعودی وزارت تجارت نے بتایا ’ 2024 میں اکتوبر سے دسمبر کے دوران ایک لاکھ 60 ہزار سے زیادہ نئی رجسٹریشن کی گئی، مملکت میں کمرشل رجسٹریشن کی مجموعی تعداد 1.6 ملین سے زیادہ ہوگئی ہے‘۔
وزارت نے 2024 کی چوتھی سہ ماہی کے دوران مملکت کے تجارتی سیکٹر کی کارکردگی اور ترقی کے حوالے سے جائزہ رپورٹ جاری کی ہے۔
رپورٹ میں سعودی وژن 2030 کے ساتھ منسلک اہم شعبوں کلاوڈ کپمیوٹنگ سروسز، ایپلی کیشن ڈیولپمنٹ، فنانشل ٹیکنالوجی سلوشن’ سیاحت، انٹرٹینمٹ اور ٹیلنٹ ڈیولپمنٹ کی ترقی پر بھی زور دیا گیا۔
مملکت میں کلاوڈ کمپیوٹنگ سروسز میں 70 فیصد اضافہ ریکارڈ کیا گیا۔ ایپلی کیشن ڈیولپمنٹ میں 36 فیصد اور فنانشل ٹیکنالوجی سلوشن میں 12 فیصد اضافہ ہوا ہے۔
وزارت کی رپوٹ میں بتایا گیا ’ ای کامرس رجسٹریشن میں 10 فیصد نمایاں اضافہ دیکھا گیا ہے۔مجموعی رجسٹریشن 40 ہزار953 تک پہنچ گئی‘۔
یاد رہے ای کامرس کو مضبوط بنانا نیشنل ٹرانسفارمشن پروگرام کے اہداف میں سے ایک ہے۔ ای کامرس قومی معیشت کو مضبوط بنانے میں اہم کردار ادا کرتا ہے۔
کمرشل رجسٹریشن ڈیجیٹل طریقے سے کیسے منسوخ کرائیں؟Node ID: 624251
