خادم حرمین شریفین شاہ سلمان بن عبد العزیز آل سعود نے اعضا عطیہ کرنے والے 200 شہریوں کو شاہی تمغے دینے کی منظوری دی ہے۔
سعودی پریس ایجنسی کے مطابق اعضا کا عطیہ کرنے والوں کو تمغے کے علاوہ شاہ سلمان کی طرف سے اسناد بھی دی جائیں گی۔
سعودی عرب میں ضرورت مند مریضوں کے لئے اعضا کے علاوہ خون کا عطیہ دینے کی مہم وقتاً فوقتاً چلائی جاتی ہے۔
مہم سعودی عرب کے تمام شہروں میں بیک وقت شروع ہوتی ہے جس کا مقصد ضرورت مند مریضوں کے لیے اعضا اور خون جمع کرانا ہوتا ہے۔
واضح رہے کہ ایسے افراد خواہ وہ سعودی شہری ہوں یا مقیم غیر ملکی جو 10 مرتبہ خون کا عطیہ کرتے ہیں یا اعضا کا عطیہ کرتے ہیں انہیں خدمات کے اعتراف میں تمغہ اور شکریے پر مشتمل سند دی جاتی ہے۔
