سعودی قیادت کی طرف سے امیر کویت کو تعزیت

خادم الحرمین الشریفین شاہ سلمان بن عبدالعزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے امیر کویت شیخ مشعل الاحمد الجابر الصباح کو شیخ علی عبداللہ الاحمد الجابر الصباح کے انتقال پر تعزیت پیش کی ہے۔

سعودی پریس ایجنسی کے مطابق سعودی قیادت نے امیر کویت شیخ مشعل الاحمد الجابر الصباح کو تعزیتی مکتوب روانہ کئے ہیں۔

سعودی قیادت نے اپنے مکتوب میں کہا ہے کہ ’ہمیں شیخ علی عبداللہ الاحمد الجابر الصباح کے انتقال کی خبر سے گہرا رنج پہنچا ہے‘۔

’ہم آپ کو اور متوفی کے اہلِ خانہ کو دلی تعزیت اور صادق ہمدردی پیش کرتے ہیں‘۔

’ہم اللہ تعالیٰ سے دعا کرتے ہیں کہ وہ متوفی پر اپنی رحمت اور مغفرت نازل فرمائے، جنت الفردوس میں اعلیٰ مقام عطا کرے اور آپ کو ہر قسم کی شر و برائی سے محفوظ رکھے‘۔