العلا ٹور: اٹلی کے سائیکلسٹ جوناتھن میلان کی مسلسل دوسری کامیابی

العلا ٹور ریس کے چھٹے ایڈیشن کے دوسرے مرحلے میں اٹلی کے جوناتھن میلان نے مسلسل دوسری مرتبہ کامیابی حاصل کر لی۔

منگل کو العلا گورنریٹ میں العلا ٹور ریس کے دوسرے دن کا مقابلہ منعقد ہوا جس میں عالمی سائیکلسٹ کے درمیان سخت مقابلہ دیکھنے میں آیا۔

پہلے مرحلے کی کامیابی کے بعد، دوسرے مرحلے میں کھلاڑیوں نے 152 کلو میٹر کا فاصلہ طے کیا۔ پہلے مرحلہ 158 کلومیٹر پر مشتملہ تھا۔

لڈل ٹریک کے جوناتھن میلان نے یہ مرحلہ جیت کر مجموعی درجہ بندی میں پہلی پوزیشن حاصل کر لی۔

ان کے ہم وطن ڈینیئل سکرل آف بحرین وکٹوریئس دوسرے نمبر پر رہے، جبکہ جرمنی کے پاسکل آکرمن (ٹیم جائیکو العلا) نے تیسری پوزیشن حاصل کی۔ سکرل اور آکرمن دونوں نے ایک ہی وقت میں ریس مکمل کی۔

ریس کا تیسرا مرحلہ آج ہوگا جس میں سائیکلسٹ 142 کلو میٹر کا فاصلہ طے کریں گے۔

ایونٹ کا اہتمام سعودی سائیکلنگ فیڈریشن نے رائل کمیشن برائے العلا کمشنری اور وزارت سپورٹس کے تعاون سے کیا ہے۔

العلا ٹور میں 17 بین الاقوامی ٹیموں کے مجموعی طور پر 119 ایلیٹ پروفیشنل سائیکلسٹس حصہ لے رہے ہیں۔