سکیورٹی فورسز کا آپریشن، شمالی وزیرستان میں خودکش حملے کے لیے تیار کی جانے والی گاڑی تباہ

پاکستان کی سکیورٹی فورسز نے خفیہ اطلاع پر شمالی وزیرستان میں آپریشن کے دوران خودکش حملے کے لیے تیار کی جانے والی ایک گاڑی تباہ کردی۔
افواج پاکستان کے شعبہ تعلقات عامہ آئی ایس پی آر کے مطابق ’آپریشن میں تین ’دہشت گردوں‘ کو ہلاک کردیا گیا۔‘
آئی ایس پی آر نے بیان میں مزید بتایا کہ ’ہلاک ہونے والے خودکش حملے کے لیے دھماکہ خیز مواد تیار کر رہے تھے۔‘

بیان کے مطابق ’پاکستان کی سکیورٹی فورسز اور قانون نافذ کرنے والے ادارے ملک سے غیر ملکی سپانسرڈ دہشت گردی کے خاتمے کے لیے پوری قوت سے کارروائیاں جاری رکھیں گے۔‘