جدہ میں تین روزہ انٹرنیشنل عریبیئن ہارس شو اختتام پذیر
اتوار 16 نومبر 2025 21:42
کنگ عبدالعزیز عریبیئن ہارس سینٹر کی سرپرستی میں تین روزہ انٹرنیشنل عریبیئن ہارس شو اتوار کو جدہ گورنریٹ کے ساوری فارم (انٹرنیشنل بی شو) میں اختتام پذیر ہو گیا۔
ایس پی اے کے مطابق اس ایونٹ میں سعودی عرب، خلیجی ممالک، عالم عرب اور یورپ کے 130 سٹڈز کے 280 گھوڑے شامل تھے جو مملکت کی گھڑ سواری میں مضبوط موجودگی اور بین الاقوامی مقام کو اجاگر کرتا ہے۔
یورپی کانفرنس آف عرب ہارس آرگنائزیشنز کے معیار کے مطابق اس چیمپئن شپ میں فلیز، کولٹس، مارس اور سٹالینز کے لیے مختلف کیٹیگری کے مقابلے شامل تھے، اس نے عرب گھوڑوں اور اس کے مستند ورثے کے شائقین کی توجہ حاصل کی۔
چیمپئن شپ میں مختلف کیٹیگریز میں جیتنے والے گھوڑوں کے مالکان کو گولڈ، سلور اور برونز میڈل دیے گئے۔
اپنے اعلٰی انتظامی اور تیکنیکی معیارات، خالص نسل کے گھوڑوں اور مالکان کی شرکت کے ساتھ چیمپئن شپ نے ایک عالمی گھڑ سواری کے مرکز کے طور پر مملکت کی حیثیت کا اعتراف کیا۔
