اسلامک سولیڈیریٹی گیم: مملکت کی دنیا ابو طالب نے تائیکوانڈو میں گولڈ میڈل جیت لیا

القادسیہ کلب اور سعودی تائیکوانڈو ٹیم کی کھلاڑی دنیا أبو طالب نے ریاض 2025 میں ہونے والی چھٹی اسلامک سولیڈیریٹی گیمز میں 51 کلو گرام وزن کی کیٹگری میں گولڈ میڈل جیت لیا ہے۔

ابو طالب نے فائنل میں ترکیہ کی ایلیف اکگل کو صفر دو سے شکست دے کر ٹائتل اپنے نام کیا۔ اس سے قبل ازبکستان کی لیلو کازنووا کے خلاف بھی 2-0 سے کامیابی حاصل کی۔

سبق ویب سائٹ کے مطابق دنیا ابو طالب نے حال ہی میں چین میں منعقدہ ورلڈ چیمپئن شپ میں بھی حصہ لیا تھا جہاں انہوں نے چاندی کا تمغہ حاصل کیا۔

وہ 53 کلوگرام وزن میں تائیکوانڈو کی نائب عالمی چیمپئن بھی ہیں۔

یہ کامیابی ان بے شمار تمغوں اور اعزازات میں اضافہ ہے جو وہ اپنی تائیکوانڈو کیریئر کے دوران حاصل کرتی رہی ہیں۔

یاد رہے کہ دنیا أبو طالب کو برونائی دارالسلام میں 2024 کے لیے ایشیا کی سطح پر مساوات، تنوع اور شمولیت کا ایوارڈ بھی مل چکا ہے جو سعودی کھیلوں کی تاریخ میں پہلی مرتبہ بین الاقوامی اولمپک کمیٹی کی جانب سے دیا گیا ہے۔