پاکستان کے ثقافتی ایونٹ کا اختتام، انڈونیشی ویک کا آج آغاز
پاکستان کے ثقافتی ایونٹ میں ہزاروں وزیٹرز کی آمد ریکارڈ کی گئی (فوٹو: ایس پی اے)
سعودی وزارت اطلاعات نے ’گلوبل ہارمنی ٹُو‘ انشیٹیو کے تحت پاکستان کے ثقافتی ہفتے کا اختتام کیا ہے۔
انڈونیشی ثقافتی ویک کا آغاز منگل سے ہو رہا ہے جس میں کنسرٹس کے علاوہ انڈونیشی ورثے کو اجاگر کیا جائے گا۔
سعودی پریس ایجنسی ایس پی اے کے مطابق السویدی پارک میں منعقدہ ایونٹ میں ثقافتی ماحول اور لوک پرفارمنس سے لطف اندوز ہونے کے لیے ہزاروں وزیٹرز کی آمد ریکارڈ کی گئی۔
ایونٹ کے آخری دن پاکستانی گلوکاروں نے فن کا مظاہرہ کیا، مختلف ثقافتوں کا اجاگر کیا گیا، روایتی رقص، میوزیکل اور تھیٹر پرفارمنس کے علاوہ دستکاری اور ملبوسات کی نمائش کی گئی۔
ایونٹ میں بچوں کی سرگرمیوں کے علاوہ سرکس اور انٹرایکٹیو سرگرمیاں شامل تھی تاکہ تمام گروپوں کے لیے خوشگوار ثقافتی تجربے کو یقینی بنایا جا سکے۔
اس انیشیٹیو کا مقصد مملکت میں موجود رہائشیوں کی شمولیت کو بڑھانا اور سعودی عرب کا ثقافتی تنوع کو اختیار کرنا ہے جس کے تحت کئی طرح کی سرگرمیاں اور ایونٹس منعقد کیے جائیں گے۔
’گلوبل ہارمنی ٹُو‘ کے تحت 14 ثقافتوں کو اجاگر کیا جا رہا ہے، جن کی نمائندگی مملکت میں رہنے والی کمیونٹیاں کر رہی ہیں۔
اس سلسلے میں مملکت میں روزانہ کی بنیاد پر شوز منعقد کیے جا رہے ہیں اور ایسے پروگرام ہو رہے ہیں جن میں یہاں کے رہائش پذیر لوگوں کی زندگیوں اور سعودی معاشرے میں ان کے گھل مل جانے کو لوگوں کے سامنے پیش کیا جا رہا ہے۔
