سعودی ولی عہد شہزادہ محمد بن سلمان کو امیر قطر کا مکتوب موصول
سعودی نائب وزیر خارجہ نے ریاض میں قطری سفیر سے مکتوب وصول کیا ( فوٹو: ایس پی اے)
سعودی ولی عہد شہزادہ محمد بن سلمان کو امیر قطر کی جانب سے دونوں ملکوں کے دوطرفہ تعلقات سے متعلق ایک تحریری مکتوب موصول ہوا ہے۔
سرکاری خبر رساں ایجنسی ایس پی اے کے مطابق وزیر خارجہ شہزادہ فیصل بن فرحان کی نیابت کرتے ہوئے نائب وزیر خارجہ انجینیئر ولید الخریجی نے منگل کو ریاض میں وزارت کے ہیڈ کوارٹر میں قطری سفیر بندر محمد العطیہ سے مکتوب وصول کیا۔
ملاقات کے دوران سعودی عرب اور قطر کے درمیان تعلقات اور مختلف شعبوں میں انہیں مزید مضوبط بنانے کے طریقوں کا جائزہ اور مشترکہ دلچسپی کے امور پر تبادلہ خیال کیا گیا۔
