سعودی قیادت کی طرف سے قطر کو قومی دن پر مبارکباد

خادم حرمین شریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے امیر قطر شیخ تمیم بن حمد آل ثانی کو ان کے ملک کے قومی دن پر مبارکباد پیش کی ہے۔

سعودی پریس ایجنسی کے مطابق سعودی قیادت نے امیر قطر کو تہنیتی پیغام روانہ کئے ہیں۔

سعودی قیادت نے شیخ تمیم بن حمد آل ثانی کے نام روانہ کئے جانے والے مکتوب میں کہا ہے کہ ’ہم آپ کے لئے صحت و عافیت اور خوشحال زندگی اور قطر کے لئے مزید ترقی و کامرانی کی امید رکھتے ہیں‘۔

سعودی قیادت نے دونوں ممالک کے برادرانہ تاریخ تعلقات کی تعریف کرتے ہوئے مختلف شعبوں میں مزید وسعت دینے کی امید ظاہر کی ہے۔