امارات میں پٹرول اور ڈیزل سستا، جنوری 2026 کے لیے نئے نرخ کیا ہیں؟

متحدہ عرب امارات میں جنوری 2026 کے لیے پٹرول اور ڈیزل کے نرخوں کا اعلان کیا گیا ہے۔ 

فیول پرائس کمیٹی نے بدھ کو نئی قیمتوں کی منظوری دی ہے، اس کا اطلاق جمعرات یکم جنوری سے کیا گیا ہے۔ پٹرول اور ڈیزل سستا ہوگیا۔

وام کے مطابق پٹرول سپر 98 کی نئی قیمت 2.53 درہم فی لٹر مقرر کی گئی ہے جو دسمبر میں 2.70 درہم فی لٹر تھی۔

سپیشل 95 قیمت کمی کے بعد 2.42 درہم فی لٹر میں ملے گا۔ گزشتہ ماہ 2.58 درہم فی لٹر دستیاب تھا۔

ای پلس 91 کے نرخ 2.34 فی لٹر ہوں گے۔ دسمبر میں اس کی قیمت 2.51 فی لٹر تھی۔

ڈیزل کی نئی قیمت 2.55 درہم فی لٹر ہوگی۔ گزشتہ ماہ ڈیزل 2.85 درہم فی لٹر میں دستیاب تھا۔

یاد رہے امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔