بارش میں اضافے کےلیے سٹیٹ آف دی آرٹ ریسرچ ایئر کرافٹ لانچ

سعودی وزیرماحولیات، پانی و زراعت انجینئرعبدالرحمان الفضلی نے بارش میں اضافے کےلیے سٹیٹ آف دی آرٹ ریسرچ ایئرکرافٹ لانچ کیا ہے، جو عالمی سطح پر اپنی نوعیت کا جدید ترین ایئر کرافٹ ہے۔

یہ طیارہ موسمی عناصر کا جائزہ لینے اور کلاوڈ سیڈنگ آپریشنز سے متعلق سپورٹ سٹیڈیز کے لیے ایک جامع  فضائی لیبارٹری کے طور پر کام کرے گا۔

ایس پی اے کے مطابق ایئر لیبارٹری کے ذریعے کلاوڈ سیڈنگ (مصنوعی بارش کے نظام) کے بارے میں جامع و مکمل معلومات حاصل کی جاسکیں گی۔

دورے کے دوران وزیر ماحولیات نے نیاشنل ایکوا کلچر گروپ کے منصوبوں اور پروگرارم کا بھی معائنہ کیا، جدید ٹیکنالوجی اور سائنسی طریقوں کو اپناتے ہوئے ایکوا کلچر سیکٹرکو آگے بڑھانے کی کوششوں کا جائزہ لیا۔

سعودی وزیر نے جدہ کے قومی مرکز برائے موسمیات میں قائم کلاوڈ سینڈنگ سینٹر کا تفصیلی دورہ بھی کیا۔ اس موقع پر انہیں مصنوعی بارش کے طریقہ کار اور اس کی افادیت سے آگاہ کیا گیا۔

انہوں نے مکہ مکرمہ اور مقدس مقامات میں نیشنل واٹر کمپنی کی جانب سے ترقیاتی منصوبوں کا بھی دورہ کیا، رمضان اور حج سیزن 2026 کی تیاری کے لیے منصوبوں کا جائزہ لینے کے لیے حکام سے ملاقات کی۔

جس میں آپریشن کارکردگی کو بڑھانے، پانی کی سپلائی کو بہتر بنانے اور تقسیم کے کنٹرول کو مضبوط بنانے پر توجہ دی گئی۔