سعودی ولی عہد شہزادہ محمد بن سلمان نے منگل کو ریاض کے قصر الیمامہ میں ترکیہ کے صدر رجب طیب اردوغان کا خیرمقدم کیا۔
ایس پی اے کے مطابق قصر الیمامہ پہنچنے پر ترکیہ کے صدر کے لیے سرکاری استقبالیہ تقریب کا اہتمام کیا گیا۔
بعد ازاں سعودی ولی عہد اور ترکیہ کے صدر نے باضابطہ ملاقات کی۔
ملاقات میں سعودی عرب اور ترکیہ کے درمیان تعلقات کے امکانات، تعاون کے راستوں اور مختلف شعبوں میں تعلقات کو مزید کو فروغ دینے کے مواقع کا جائزہ لیا گیا۔
#الرئيس_التركي_في_الرياض | #واس pic.twitter.com/aLcnWipMnJ
— واس الأخبار الملكية (@spagov) February 3, 2026
دونوں رہنماؤں نے علاقائی اور بین الاقوامی صورتحال اور اس حوالے سے کی جانے والی کوششوں پر بھی تبادلۂ خیال کیا۔
سعودی وزیر توانائی شہزادہ عبدالعزیز بن سلمان، وزیر مملکت اور کابینہ کے رکن شہزادہ ترکی بن محمد بن فہد، ریاص ریجن کے ڈپٹی گورنر شہزادہ محمد بن عبدالرحمٰن بن عبدالعزیز، وزیر سپورٹس شہزادہ عبدالعزیز بن ترکی بن فیصل، نیشنل گارڈ کے وزیر شہزادہ عبداللہ بن بندر بن عبدالعزیز، وزیر دفاع شہزادہ خالد بن سلمان، وزیر خارجہ شہزادہ فیصل بن فرحان اور دیگر وزرا اور شاہی شخصیات بھی موجود تھیں۔
#الرئيس_التركي_في_الرياض | #واس pic.twitter.com/2Floh3boeq
— واس الأخبار الملكية (@spagov) February 3, 2026
قبل ازیں ترکیہ کے صدر رجب طیب اردوغان دارالحکومت ریاض پہنچے تو کنگ خالد انٹرنیشنل ایئرپورٹ پر ریاض ریجن کے ڈپٹی گورنر شہزادہ محمد بن عبدالرحمٰن نے ان کا استقبال کیا۔
اس موقعے پر ریاض کے میئر شہزادہ فیصل بن عبدالعزیز بن عیاف، وزیر تجارت ماجد القصبی اور دیگر سینیئر حکام بھی موجود تھے۔
