سعودی عرب کے نجی شعبے میں عیدالفطر کی تعطیلات کتنی، کب شروع ہوں گی؟

سعودی وزارت افرادی قوت نے نجی اور غیر منافع بخش اداروں کےلیے عیدالفطر کی تعطیلات کا اعلان کیا ہے۔

ایس پی اے کے مطابق سرکاری ترجمان محمد الرزقی نے بیان میں کہا کہ ’عید الفطر کی تعطیلات بدھ 18مارچ ( 29 رمضان) کو کام کے اختتام سے شروع ہوں گی اور چار دن تک جاری رہیں گی۔‘

ترجمان نے آجروں پر زور دیا کہ وہ لیبر لا کے ایگزیکیٹو ریگولیشن کے آرٹیکل 24 کے دوسرے پیرا گراف میں درج ہدایات کی تعمیل کریں۔