سعودی عرب پر اب تک 730 ڈرون اور 57 بیلسٹک میزائل حملے

وزارت دفاع کے ترجمان میجر جنرل ترکی المالکی نے منگل کو الشرقیہ ریجن میں 45 ڈرونز کو روک کر تباہ کرنے کا اعلان کیا ہے۔

وزارت کے اعداد وشمار کے مطابق 28 فروری سے اب تک سعودی عرب کو نشانہ بنانے والے ڈرون حملوں کی مجموعی تعداد 730 سے زیادہ ہو گئی ہے۔

اخبار 24 کے مطابق اس مدت کے دوران 57 بیلسٹک میزائل اور7 کروز میزائلوں کو کامیابی سے روک کر تباہ کیا گیا۔

ایران نے امریکہ اور اسرائیل کے ساتھ اپنی جنگ کے درمیان خلیجی ریاستوں پر مسلسل حملے جاری رکھے ہوئے ہیں۔

ایرانی حملوں میں زیادہ تر الشرقیہ ریجن اور ریاض کو نشانہ بنانے کی کوشش کی گئی۔

واضح  رہے کہ الشرقیہ ریجن میں مملکت کے  بڑے تیل کے ذخائر اور ریفائنریاں واقع ہیں۔