’اک دوجے کے دل و جان‘، یوم الوطنی پر آئی ایس پی آر کا خصوصی نغمہ جاری
جبار عباس اور مبشرہ حفیظ نے یہ نغمہ گایا ہے (فوٹو: سکرین گریب)
پاکستان فوج کے شعبہ تعلقات عامہ (آئی ایس پی آر) نے سعودی عرب کے قومی دن کی مناسبت سے ایک خصوصی نغمہ ’اک دوجے کے دل و جاں‘ جاری کیا ہے۔
آئی ایس پی آر نے اس نغمے میں پاکستان اور سعودی عرب کے درمیان مضبوط اور دیرینہ دوستی کے رشتے کو خراجِ تحسین پیش کیا ہے۔
اردو اور عربی دونوں زبانوں میں پیش کیا گیا یہ نغمہ دونوں ممالک کو قریب لانے والے مشترکہ ایمان، اقدار اور امیدوں کی عکاسی کرتا ہے۔
یہ ایک منفرد موسیقی کا امتزاج ہے، جس میں سعودی عود اور دف کی روایتی دھنوں کو پاکستان کی بانسری اور ڈھول کی پرسوز لے کے ساتھ پیش کیا گیا ہے۔
پاکستان کے سرکاری ریڈیو کے مطابق اس نغمہ میں پاک سعودی دوستی، مکہ مشترکہ دفاعی معاہدے اور برادرانہ تعلقات کو اجاگر کیا گیا ہے۔
’ایک دوجے کے دل و جان‘ کی دھن میں پاک سعودی دوستی، امن کے عزم اور مشترکہ اقدار کا پیغام شامل ہے۔
آئی ایس پی آر کا یہ نیا نغمہ ’پاک سرزمین سے ارض حرم تک مضبوط برادرانہ رشتے کی ترجمانی کرتا ہے۔‘
