بھارتی اخبارات کے مطابق وفاقی حکومت کا خیال ہے کہ کشمیر میں جاری شورش میں ’مذہب کا عمل دخل زیادہ ہے‘ اور وہاں تشدد کا راستہ اختیار کرنے والے ریاست کی جمہوری طور پر منتخب حکومت کا تختہ پلٹ کر ایک ’مذہبی حکومت‘ قائم کرنا چاہتے ہیں۔
بھارتی اخبارات میں جمعہ کو سرکاری ذرائع کے حوالے سے کشمیر کے بارے میں جو خبریں شائع ہوئی ہیں ان سے اشارہ ملتا ہےکہ وفاقی حکومت کن خطوط پر سوچ رہی ہے۔
اخبار ہندوستان ٹائمز کے مطابق سرکاری ذرائع نے اسے بتایا ہے کہ ’حکومت علیحدگی پسندوں سے بات چیت نہیں کرے گی کیونکہ وہ پہلے تشدد کے ذریعے ایک منتخب حکومت کا تختہ پلٹنے کی کوششوں کا قلع قمع کرنا چاہتی ہے۔‘
’علیحدگی پسندوں سے بات چیت نہیں ہو گی‘
