ریاض ..... سعودی حکومت نے عراقی حکومت کے ساتھ عراقی کردستان کی جانب سے مکالمے کے فیصلے کا خیرمقدم کر دیا۔ سعودی دفتر خارجہ کے عہدیدار نے بیان دے کر واضح کیا کہ سعودی عرب کو اس بات پر بڑی خوشی ہوئی کہ عراقی کردستان کی حکومت نے عراقی آئین کے تحت عراقی حکومت کے ساتھ بات چیت کا فیصلہ کر لیاہے۔ سعودی عرب کا غیر متزلزل موقف یہی ہے کہ فریقین جانی و مالی نقصان کئے بغیر عراقی آئین کے تحت مکالمہ کر کے متنازعہ امور طے کرنے کااہتمام کریں۔
