جدہ، طائف اور رابغ کے سکولوں میں آج سے ایک ہفتے کے لیے آن لائن کلاسز

جنرل ڈائریکٹوریٹ آف ایجوکیشن جدہ نے احتیاطتی اقدامات کے ایک حصے کے طور پر جدہ اور رابغ کے تمام سکولوں میں اتوار یکم نومبر سے جمعرات تک آن لائن تعلیم (ریموٹ لرننگ) کا فیصلہ کیا ہے۔

سنیچر کو رات گئے آفیشل ایکس اکاؤنٹ پر پوسٹ میں کہا گیا تمام طلبہ کے ساتھ اساتذہ اور انتظامی عملے کے لیے تدریسی عمل مدرستی پلیٹ فارم اور دیگر منظور شدہ تعلمیی پلیٹ فارمز کے ذریعے آن لائن منتقل کیا جا رہا ہے۔

طائف میں بھی محکمہ تعلیم نے اتوار یکم نومبرسے جعمرات تک سکولوں میں آن لائن تعلیم کا فیصلہ کیا ہے۔

جدہ ایجوکیشن ڈیپارٹمنٹ کی جانب سے جاری بیان کے بعد پاکستان انٹرنیشنل سکول رحاب (انگلش سیکشن) اور دیگر سکولوں نے رات گئے تمام طلبہ کو ایس ایم ایس کے ذریعے ریموٹ لرننگ کے پیغامات بھیجے ہیں۔

مدرستی پلیٹ فارم سعودی وزارت تعلیم کا ڈیجیٹل پلیٹ فارم ہے جس کے ذریعے طلبہ اپنے ٹائم ٹیبل، ہوم ورک، ورچوئل کلاسز اور امتحانات تک رسائی حاصل کرتے ہیں۔

اس سے قبل ریاض اور الدرعیہ کے سکولوں میں احتیاطی اقدامات کے باعث آن لائن تعلیم کا سلسلہ ایک ماہ تک جاری رہا تھا۔