دی شیپ آف واٹر نے میلہ لوٹ لیا
دنیا کے سب سے بڑے فلمی ایوارڈ آسکر کا میلہ فلم ”دی شیپ آف واٹر“ نے لوٹ لیا۔ 2018ءکی بہترین فلموں کی کیٹیگری میں شمار ہونےوالی فلم نے مشہور ترین بڑی فلموں کو پیچھے چھوڑدیا۔بہترین اینیمیٹڈ فیچر فلم کی فاتح ”کوکو“رہی۔90 ویں آسکر ایوارڈ کی رنگارنگ تقریب میں ہالی وڈ کے بڑے بڑے اکیڈمی اسٹارز نے شرکت کی ۔ بہترین اداکار کا ایوارڈ گیری اولڈ مین کو فلم”ڈارکیسٹ آور“کیلئے دیاگیا۔ بہترین اداکارہ کا ایوارڈ فرانسیس میکڈورمینڈ کو فلم”تھری بل بورڈز آﺅٹ سائڈ ایبنگ، میسوری“کیلئے دیا گیا۔ بہترین معاون اداکار کا ایوارڈاداکار سیم روکویل نے فلم ”تھری بل بورڈ ا آﺅٹ سائڈ ایبنگ، میسوری“کیلئے حاصل کیا۔بہترین معاون اداکارہ کا ایوارڈایلیسن جینی کومشہور ہالی وڈ فلم”آئی ٹونیا“کیلئے دیا گیا۔
