نواز شریف نے ہر موقع پر ہمیں بیچا ،زرداری

لاہور...سابق صدر آصف زرداری نے کہا ہے کہ نوازشریف کو جتنا بھولا سمجھتے ہیں وہ کہیں زیادہ چالاک اور موقع پرست ہیں۔میاں صاحب ہمیں اسٹیبلمشنٹ سے لڑا کر خود ہاتھ ملالیتے تھے۔انہوں نے کہا کہ جمہوریت، آئین اور سویلین بالادستی کی نیت سے ہاں میں ہاں ملاتے رہے۔ہم سیاست اور نوازشریف تجارت کرتے رہے۔ ہر موقع پر ہمیں بیچا۔اب بھگتیں۔اب کسی صورت ہاتھ نہیں ملاوں گا۔لاہور میں پارٹی کے سینئر رہنماو¿ں سے ملاقات کے دوران انہوں نے کہا کہ نوازشریف نے مجھے ہرموقع پراسٹیبلشمنٹ سے لڑا کرخود ہاتھ ملایا۔ مشرف کے مواخذے کااعلان کیا تو نوازشریف پیچھے ہٹ گئے۔ نوازشریف نے پرویز مشرف پرغداری کا مقدمہ بنایا تو ہم نے ساتھ دیا۔ میاں صاحب نے یقین د لایا کہ وہ پرویزمشرف کوجانے نہیں دیں گے۔میں نے مشرف کو جانے نہ دینے کا بیان دیا تو نوازشریف نے انہیں باہر بھجوادیا۔ پتہ چلا پہلے ہی مشرف پر ڈیل کرچکے تھے۔ سابق صدر نے کہا کہ اینٹ سے اینٹ والا بیان بھی نوازشریف کی ایسی ہی چال میں آکر دیا تھا۔ میرے بیان کا فائدہ لےکر نوازشریف نے راحیل شریف سے معاملات سیدھے کرنے کی کوشش کی۔انہوں نے کہا کہ سیاست سے ہٹ کر نوازشریف سے سماجی تعلقات رکھنا چا ہتاتھا۔ میری نیک نیتی کا فائدہ اٹھایا۔سندھ میں نیب اور دیگر اداروں سے کارروائیاں بھی نوازشریف کے کہنے پر ہوئیں۔

مزید پڑھیں:نواز شریف کا چوہدری نثار سے ملاقات سے انکار