شاہد کپور اقربا پروری کے خلاف میدان میں

اداکار شاہد کپور بھی بالی وڈ میں اقربا پروری کے خلاف میدان میں آنے والوں میں شامل ہوگئے ہیں۔ میڈیا رپورٹس کے مطابق شاہد کپور کا کہنا ہے کہ ہم ایسے دور کا حصہ ہیں جہاں اقربا پروری واضح طور پر موجود ہے، ہروہ شخص جس کا تعلق اداکار، ہدایتکار یا پروڈیوسر سے ہوتا ہے وہ چاہتا ہے کہ وہ بھی اداکار بن جائے اور ایسے لوگ جن کا فنکاروں سے رابطہ نہیں، ان کوکام ملنا بھی خاصا مشکل ہوجاتا ہے۔شاہد کپور نے کہا کہ بالی وڈ میں بہت سے فنکار ایسے ہیں جن کا کہیں نہ کہیں کسی اسٹار سے تعلق ہے اور وہ سفارش پر انڈسٹری میں آتے ہیں۔یہ بلاشبہ بڑا تضاد ہے۔