نوشہرہ...وفاقی وزیر ریلوے شیخ رشید احمد نے کہاہے کہ جون سے پہلے ملک میں جھاڑو پھر کر رہی گی ۔ اب چور رہے گا یا چوکیدار رہے گا ۔بلاول بھٹو زرداری کرپشن کے خلاف باہر آتے تو قومی ہیرو ہوتے۔اب وہ زیرو ہیں۔ بلاول اپنے والد کے لئے اپنی سیاسی چتا جلا رہے ہیں۔ اتوار کو نوشہرہ میں درگئی سفاری ٹرین کے افتتاح کے بعد میڈیا سے بات کرتے ہوئے انہوںنے کہا کہ بلاول بھٹو زرداری نے اپنی زندگی کی ایسی حماقت کی جس سے سارا کیرئیر تباہ کردیا۔ بلاول کی سیاست کو نیست ونابود کردیا۔سندھ میں لوگ مجبور ہیں۔ تحریک انصاف نے وہاں کام نہیں کیا ۔ کام کیا ہوتا تو جس طرح پورے ملک میں پی ٹی آئی کا جھنڈا بلند ہوا اس طرح سندھ میں بھی ہوتا۔ایک سوال پر شیخ رشید نے کہا کہ میں برڈ لورہوں کسی کی جان لینے کاسوچ بھی نہیں سکتا۔ایک سوال پر انہوںنے کہا کہ ماضی میں ہم ٹرین مارچ کرنے جارہے تھے تو اجازت نہیں دی گئی لیکن ہم جمہوری لوگ ہیں۔بلاول بھٹو زرداری نے ٹرین مانگی تو ہم نے فری ٹریک دے دیا۔انہوںنے کہاکہ ٹرین مارچ سے پہلے ہی جھاڑو پھر جائےگی۔شیخ رشید نے کہا کہ میں نے جتنی محنت کرتے ہوئے عمران خان کو دیکھا ہے کسی کو نہیں دیکھا۔
