اسلام آباد.... پیپلز پارٹی کے رہنما نبیل گبول نے کہاہے کہ حکومتی پالیسیوںسے مہنگائی اتنی بڑھ گئی ہے کہ غریبوں اورمڈل کلاس کوتوچھوڑ یں امیر طبقہ بھی پریشان ہے ۔ لوگوں نے دوسری شادی کرنی چھوڑ دی ہے ۔ میں خود دوسری شادی کرنے کا سوچ رہا تھا لیکن اب سوچ رہا ہوں کہ دوسری شادی کرکے گھر کہاں سے چلاوں گا ؟ ۔ نجی ٹی وی چینل سے گفتگو کرتے ہوئے نبیل گبول نے کہا کہ میری دوسر ی شادی نہ کرنے کی بڑی وجہ حکومت کے اقدامات ہیں ۔ جس سے مہنگائی بڑھ گئی ۔ ایک سوال پر انہوں نے کہا کہ اگر یہ لوگ کہتے ہیں کہ نواز شریف کو مسلم لیگ ن کے سربراہ کے طور پر اجلاسوں میں نہیں بیٹھنا چاہئے تو جس سپریم کورٹ نے نواز شریف کو نا اہل کیا ۔ اسی نے جہانگیر ترین کو بھی نا اہل کیاہے ۔انہوں نے کہا کہ جہانگیر ترین کے بغیروزیر اعظم عمران خان کچھ بھی نہیں ۔ عمران خان جہانگیر ترین کو اپنے سے الگ نہیں کرسکتے ۔ ان کی مرضی ہے کہ جہانگیر ترین کو جہاں مرضی بٹھائیں ۔ سب جانتے ہیں کہ عمران خان کیسے وزیر اعظم بنے ۔